近排歐美對沖基金紛紛來香港開檔，凌通收到最新消息，美國大型對沖基金The D. E. Shaw，原來亦已經有高層來港坐鎮，並且請咗招商局集團前任董事長秦曉【圖】，加入佢哋基金的中國顧問團，做佢哋投資中國嘅盲公竹。

早排有傳聞話秦曉「出逃」，罪名係侵吞國有資產。不過，上周開幕的兩會，當身為全國政協委員的秦曉現身會場時，「出逃」傳聞已不攻自破。

據悉，The D. E. Shaw的6位執行委員會中，最年輕的成員、今年僅40歲的Julius Gaudio，原來舊年秋天已搬來香港住，因為要更好地服侍大客咁話。今時今日，財富東移，對沖基金的客戶，愈來愈多來自亞洲，所以對沖基金經理都要移居亞洲，以便同客戶保持緊密聯繫。